Дзæгъиаты Мария
 

Ирыстон

Ирыстоны уарзæм нæ мадау!
Йæ сæрыл мах ситдзыстæм тох.
Дардыл æрзилдзыстæм маргъау,
Уæддæр æй нæ кæндзыстæм рох.

Ирыстон – нæ райгуырæн бæстæ,
Ирыстон – нæ фыдæлты зæхх.
Цæуæм ´мæ цæудзыстæм дæ фæстæ, -
Æрмæст-иу дæ зындзинад зæгъ…

Нæ тугæй ныффыстам «Ирыстон»,
Нæ ратдзыстæм знагæн йæ ном!
Ирон-уæрæсейаг тырыса
Фæйлаудзæн нæ сæрмæ, уый зон!

Ирыстон, дæ кады ном айхъуыст,
Йæ хорздзинад таудзæн бæстыл.
Дæу иунæг Хуыцауæн фæдзæхсæм, -
Уæрæх уа дæ фæндаг зæххыл.

Нæ дыууæ Ирыстоны! Абон –
Æппæтæн уыдзæнис фæндон –
Иудзинад тынг хъæуы адон,
Тагъд нæм æрцæудзæнис – зон!..